Þegar við erum að snjallvæða þá verðum við alltaf að hafa markmiðið með því í huga en verðum einnig að tryggja að gögnin sem við erum að safna eru skoðuð og unnið með þau á þann hátt að það gagnast okkur. Þetta lögmál á einnig við þegar kemur að orkueftirliti.
Virkt og gott orkueftirlit leiðir til orkusparnaðar og getur gefið okkar margar vísbendingar og mögulegar bilanir í raftækjum og getur komið í veg fyrir óæskilega notkun.
Orkuálagið gefur til kynna hversu aflmikið ákveðið raftæki er eða hversu mikið afl mælt í Wöttum raftækið þarf á hverjum tíma. Ef orkuálagið er meira en áætlað er getur það gefið vísbendingar um að raftækið virki ekki eðlilega og að það þurfi að skoða betur hvað veldur.
Orkunotkunin er í það mikilvægasta í orkueftirliti. Það sýnir uppsafnað orkuálag yfir tíma þ.e.a.s. hversu lengi orkuálagið stendur yfir. Uppsafnað orkuálag yfir tíma er síðan raunorkan sem við þurftum til að nota raftækið. Orkunotkunin er oftast mælt í kilowattstundum (stytting kWh). Þessa einingu sjáum við einnig á raforkureikningunum okkar. Ef við getum lækkað orkunotkunina leiðir það þannig beint til lækkunar á reikningunum okkar.
Vanmetasta útkoman úr orkueftirlit er sennilega sú að við fáum upplýsingar um hegðun raftækjanna okkar. Hversu oft notum við ákveðið tæki? Þegar tækið er í notkun, hversu lengi notum við það í senn? Hver er nýtingin? Þessar upplýsingar getum við síðan notað til að meta hver uppsafnaður sparnaðurinn gæti verið eða í hversu miklum gæðatækjum við ætlum að fjárfesta til að minnka viðhaldskostnaðinn.
Til að ná þessum ávinningum þurfum við ákveðið verkfæri sem gerir það sem við þurfum. Shelly1PM er stóri bróðir Shelly1 . Bæði tækin eru fyrirferðalítil svo það er hægt að koma þeim fyrir fyrir aftan rafmagnstengil.
