Zigbee brúin frá Sonoff tengir Zigbee snjalltækin þín saman og þar með getur þú stjórnað þeim í gegnum eWeLink appið. Zigbee brúin er afar fjölhæf og getur tengst góðu úrvali af Zigbee snjalltækjum en ekki einungis nemum og rofum frá Sonoff. Þannig getur þú einnig tengt ljósdeyfa eða ljósaperur frá okkur við Zigbee brúna.
Zigbee brúin er afar lítil og tengist við eWeLink appið í gegnum þráðlaust net (2,4GHZ) heima hjá þér. Hún er fær rafmagn í gegnum USB hleðslusnúru (ekki innifalin). Með þessari uppsetningu getur þú snjallvætt heimilið þitt með afar einföldum hætti. eWeLink appið býður einnig upp á góða möguleika til að búa til sjálfvirknireglu (t.d. láta kveikja ljós við hreyfingu). Þar með getur þú byggt upp öflugt snjallheimili fyrir lítinn kostnað. Ef þú hyggst síðan færa þig yfir á “stóra bróðirinn” (snjallstjórnstöð frá okkur með Home Assistant hússtjórnunarkerfi) þá er það einfalt verkefni þar sem Home Assistant styður eWeLink og Sonoff appið. Nánari upplýsingar má finna á heimasíðu Sonoff.
Ef þú vilt nota Zigbee brúna beint með Home Assistant þá er hún einnig fáanleg með Tasmota stýrikerfi sem gerir þér kleift að nota hana sem Zigbee stjórntæki með ZHA (Zigbee Home Automation) samþættingu. Zigbee brúna má þá staðsetja á miðlægum stað burt frá Home Assistant stjórnstöðinni. Tasmota stýrikerfið gerir þér einnig kleift að senda og taka á móti boðum í gegnum MQTT (samskiptamáti í gegnum intranet tenginguna) og þar með er hægt að notast við margar Zigbee brýr sem er góður kostur fyrir stór húsnæði eða dreifðar fasteignir.
